Anaa na sa 11 ka tawo ang namatay sa ikalima nga adlaw sa dakong sunog nga milamoy sa Los Angeles, California nga unang miulbo sa Pacific Palisades niadtong Enero 7.
Gibanabana nga 10,000 ka mga panimalay ug uban pang mga estruktura ang naguba sa sunog.
Sa pagkakaron, kapin sa 144,000 ka mga tawo ang gimando sa pagbakwit.
Samtang, ang mga fire crews sa 6 nga wildfire nga miut-ot sa daghang mga balay ug iconic landmarks sa LA, nga nagbilin sa liboan ka mga residente nga mawad-an og panimalay ug walay kuryente.
Ingon man nga ang mibutho nga sunog sa Palisades kay giisip nga pinakadako nga sunog sa habagatang CA, nga adunay kapin sa 21,500 ka ektarya ang gilamoy tali sa Santa Monica ug Malibu.
Ug ang ikaduha nga kinadak-an mao ang sunog sa Eaton sa amihanan sa Pasadena, nga misunog sa kapin 14,000 ka ektarya, samtang ang laing upat mao ang Kenneth fire, Lidia fire, Hurst fire ug Archer fire, nga adunay gamay nga kadaot, nga mikabat sa gibana-bana nga 2,200 ka ektarya.
Subay niini, gideklarar na usab sa LA ang public health emergency
tungod sa dili maayo nga kalidad sa hangin nga gipahinabo sa aso ug abo gikan sa mga wildfire.
