Nisang-at na og kasong kriminal ang Department of Environment and Natural Resources (DENR) batok sa kompanya sa Monterrazas residential project sa Cebu City.
Diin ang kaso nagtumong sa illegal possession sa implements ug devices nga gigamit sa forest officers, nga mahimong silotan og 2 ngadto sa 4 ka tuig nga pagkapriso.
Ingon man adunay P1,000–P10,000 nga multa, pagkumpiskar sa gamit ug automatic cancellation sa permit o lisensya.
Niadtong Nobyembre, ang DENR unang naila ang tulo ka kalapasan nga nahimo sa pagtukod sa high-end residential project ug sa retention pond niini.
Usa sa mga kalapasan nga nakita sa ahensya mao ang kapin sa 700 ka mga kahoy niadtong 2022, apan 11 na lang ang nahabilin human nakuha ang tree-cutting permit alang sa proyekto./
Gikatahong nakalapas sa Section 77 sa Presidential Decree 705, Revised Forestry Code of the Philippine 1975 ug sa Presidential Decree 1586 o ang Philippine Environmental Impact Statement System, sumala sa DENR.
Dugang pa niini nga ang Monterrazas giingong wala usab makakuha og discharge permit subay sa mga probisyon sa Philippine Clean Water Act of 2004.
Ingon man nga ang giplanong centralized retention pond ug 15 ka dugang nga mga istruktura nga gituyo aron mokuha og tubig-ulan giisip gihapon nga dili igo.
Busa, ang Monterrazas nakalapas usab og napulo sa 33 ka Environmental Compliance Certificates o ECCs.
