Gipanglangtawan karon sa Department of Transportation (DOT) ang plano sa pagpatukod og railway gikan sa syudad sa Danao, paingun sa syudad sa Carcar ug lahus na kini sa Lapu-Lapu Mactan Airport.
Kini nga plano gilatid ug nagtumong nga makunhoran ang kahuot sa trapiko sa syudad sa Sugbo.
Sa maong proytekto, gigahinan kini sa National Government og 199 bilyon pesos nga pundo alang sa railway, diin aduna kini 67.5 kilometers nga gitas-on subay pa sa Metro Cebu Urban Mass Rapid Transit System.
Samtang, adunay espesyal usab nga nakakonekta niini nga mao ang 25 kilometers line railway paingun sa Lapu-Lapu Mactan Airport.
Gani, pagasugdan ang procurement sa maong feasibility study sa maong proyekto, sunod buwan na, Marso ning kasamtangang tuig, ug laoman nga hingpit nga i-implementar ang feasibility study sa buwan sa Oktobre 2026.
Sumala pa, sa dili pa mahuman ang termino sa kasamtangang administrasyon, gikinahanglang matuldokan na ang kalamboan sa maong feasibility study sa maong railway.
Apan, sa gikabutyag ni Department of Transporation Secretary Giovanni Z. Lopez, laoman nga mahuman kining nahisgutang railway sa tuig 2040.
Samtang, nakigalayon usab ang departamento sa transportasyon sa mga Local Government Unit (LGU) alang sa hustong public consoltations ug sa mamahimong proseso niini.
