Gikuwestiyon sa abogado sa depensa nga si Atty. Mark Vinluan ang lakang ni House Prosecutor Chel Diokno sa pagpadala og subpoena ngadto kang kanhi Sandiganbayan Presiding Justice Amparo Cabotaje-Tang, imbes nga ang Impeachment Court ang mohimo niini, aron mopakita siya isip saksi kalabot sa Article IV, nga naghisgot sa isyu saunexplained wealth nga naglambigit kang Bise Presidente Sara Duterte.
Miinsistir ang depensa nga ang pag-isyu og mga subpoena ngadto sa mga saksi dili trabaho sa prosekusyon, kondili katungdanan sa Impeachment Court.
Sa iyang naunang tubag sa pangutana gikan kang Senator-judge Imee Marcos, gidepensahan ni Diokno ang pamaagi, nga nag-ingon nga ang pag-isyu sa subpoena miagi gayod sa proseso sa Impeachment Court; gipasabot niya nga gipadala kini pinaagi kaniya alang lamang sa mga katuyoan sa seguridad ug proteksyon.
Namatikdan niya nga gituyo kini aron mapanalipdan ang saksi gikan sa negatibong reaksyon sa publiko ug midugang nga ang maong praktis dili bag-o, tungod kay gibuhat kini sa mga regular nga korte, usa ka pahayag nga gisupak sa depensa.
Gipasabot niya nga sa ilalom sa Data Privacy Law, ang pagbutyag sa mga sensitibong personal nga impormasyon ay may kalambigitang bahin sa siguridad ug pwedeng magamit sa online bashing o uban pang pang-atake sa internet.
Dugang pa ni Diokno, ang kining paagi sa pag-serve pinaagi kaniya gihimo usab bisan sa mga ordinaryong kaso aron masiguro ang hapsay nga proteksyon ug siguridad sa tanang nalambigit.
Atol sa cross-examination, gipangutana ni Vinluan ang saksi kung giunsa niya pagdawat ang subpoena. Mitubag si Cabotaje-Tang nga nadawat niya kini pinaagi sa email gikan kang Diokno.
Sa dihang gipangutana kung mahimo ba kining isipon nga legal o subay sa mga lagda tungod kay walay pormal nga awtoridad si Diokno sa pag-isyu niini, ang saksi miangkon nga nagtuo lang siya nga pormal siyang gitudlo sa Korte alang niini.
Tungod niini, nangayo og katin-awan si Vinluan gikan kang Presiding Officer Chiz Escudero kung ang Korte ba gayod nagpagawas og desisyon nga nagtudlo kang Diokno aron mohimo sa maong lakang.
Giklaro ni Escudero nga wala pormal nga gitudlo sa Korte si Diokno, apan gipasabot nga ang maong lakang gibasi sa usa ka mosyon nga gisang-at sa prosekusyon.
Sa samang higayon, gipasalig ni Escudero nga kung mohangyo ang defense panel og susamang mosyon o pribilehiyo, andam usab ang Impeachment Court nga mohatag niini.
