Hingpit na nga gitaktak sa Detroit Pistons ang head coach nga si Monty Williams, human sa usa ka season sa iyang pagpabilin sa team.
Gipahibalo kini sa tag-iya sa Pistons nga si Tom Gores, samtang nagpasalamat sa batikang coach.
Matod ni Gores, maayo nga nasagubang ni Williams ang hagit sa Pistons atol sa iyang pagpabilin apan, human sa iyang giingon nga usa ka review ug assessment nga gihimo sa management sa kasamtangang kahimtang sa Pistons, nakahukom ang team nga buhian si Williams.
Nasayran nga si Williams nagsilbi kaniadto isip head coach sa Phoenix Suns diin iyang nadala ang team ngadto sa Finals, kauban ang mga NBA stars nga sila si Chris Paul ug Devin Booker.
Apan, sa pagsulod niya sa Pistons isip head coach, nakadaog lang siya og 14 ka daog, samtang ang kinatibuk-ang pildi nitambak ngadto sa 68.
Ingon man nga nakatala kini og 28 ka sunodsunod nga pilde, diin ang pinakataas sa kasaysayan sa NBA, samtang ang team nagpulipuli og mga players nga nagduwa isip starting-5.
Sa pagkakaron dili pa klaro kon asa paingon si Williams human sa iyang pagkataktak isip head coach sa team.
