Gisalikway sa Department of Foreign Affairs (DFA) ang usa ka dokumento nga gipakatap sa Embahada sa China sa social media nga kunohay nagpamatuod sa pag-angkon sa Beijing sa Bajo de Masinloc, nga nag-insister nga kini kinahanglan nga ipailalom sa hustong internasyonal nga legal nga mga pamaagi.
Sa usa ka press briefing, ang tigpamaba sa DFA Maritime Affairs nga si Rogelio Villanueva hugot nga mihimakak sa giingong suwat niadtong 1990 gikan sa usa ka Pilipinong diplomat sa Germany ngadto sa usa ka radio operator.
Sumala ni Villanueva, ang maong dokumento walay bili ilabi na kay kini gikan sa mga partido nga adunay mga interes nga nagtumong sa pagtuis sa kamatuoran.
Ingon man nga iyang gihagit ang China nga kon kini masaligon sa ilang ebidensya, kinahanglan nila kini isumite sa hustong internasyonal nga mga lugar ug dili pinaagi sa online posting.
