DFA, walay natala nga Pilipino nga naangol sa linog sa Russia

Walay overseas Pinoy nga naangol sa magnitude 8.8 nga linog nga miigo sa Russia sumala pa sa taho sa Department of Foreign Affairs (DFA).

Matod ni Foreign Affairs Assistant Secretary Robert Ferrer, padayon nilang gimonitor ang Kamchatka Peninsula diin nasentro ang linog.

Gibantayan usab nila ang mga Filipino sa New Zealand, Hawaii, ug sa kasadpang baybayon sa Estados Unidos nga naapektuhan sa tsunami alerts.

Nagpadayon usab sila sa panawagan sa mga Filipino sa gawas sa nasud nga mokontak sa mga opisyal sa gobyerno kon asa sila aron daling masubay kini sa higayong adunay laing katalagman ang muigo.