Nipasaka og kasong graft batok kang Bamban City Mayor Alice Guo ang Department of the Interior and Local Government (DILG) tungod sa iyang gikatahong pagkalambigit sa usa ka Philippine Offshore Gaming Operator o kon POGO sa iyang lokalidad.
Matod ni DILG Undersecretary Juan Victor Llamas, ang mga kaso gisang-at sa Office of the Ombudsman niadtong Mayo 24 ug gumikan sa pag-isyu og permit ngadto sa Hongsheng Gaming Technology Inc., bisan pa man nga napakyas ang kompanya sa pagkompleto sa mga rekisitos ug adunay expired nga lisensya gikan sa Philippine Amusement and Gaming Corp. (PAGCOR).
Dugang pa ni Llamas nga kinahanglan nga bakwion ni Guo ang business permit niini sa Hongsheng.
Gituohan usab sa DILG nga ang kaso nga gipasaka nila mahimong mosangpot sa preventive suspension ni Guo, kansang nasyonalidad gikuwestiyon ug konektado sa POGO operations.
