Gipasalig sa Department of the Interior and Local Government (DILG) ug Philippine National Police (PNP) nga “all systems go” ug “all hands on deck” alang sa malinawon nga pagsaulog sa holiday season.
Gipasalig ni PNP Spokesperson PBGen. Jean Fajardo, kauban si DILG Secretary Jonvic Remulla kang Presidente Ferdinand R. Marcos, Jr. sa National Peace and Order Council Meeting nga gipahigayon sa Camp Crame.
Matud usab ni Fajardo nga dili loyalty check ang nahitabong tigom apan kabahin kini sa lakang sa Presidente,.
Kini aron madungog gikan sa mga kadagkoan sa mga ahensya sa gobyerno ang tinuod nga kahimtang sa nasud labot sa krimen, ingon man ang pagpangandam sa holiday season ug umaabot nga eleksyon.
Una niini, ang PNP nagkanayon nga kapin sa 41,000 ka mga pulis ang ipakatap sa tibuok nasud karong holiday season, ug sugod sa Disyembre 15, walay mga pulis nga tugotan nga maka-leave, gawas lang kon emergency ang rason.
