Cebu City-Gihimakak sa Department of Health (DOH) nga ang pentavalent vaccine ang hinungdan sa pagkamatay sa duha ka masuso sa Sitio Abuno, Brgy Pajac, dakbayan sa Lapu-Lapu, Cebu.
Kini kuman nga maanalisar sa DOH ang tanan nga reports gikan sa Pajac Health Center, Lapu-lapu City Health officer ug mismong ang death certificate sa duha ka masuso.
Nasayran nga 96 ang gi-injectionan sa maong vaccine niadtong higayona ug managlahi usab ang cause of death sa duha ka masuso. Acute gastroentiritis with severe dehydration ang cause of death sa usa ug meningitis usab ang gikmatay sa ikaduha nga bata.
Matud ni Dr. Jaime Berdanas ang Regional Director sa DOH-7 nga dako iyang pagtoo nga sa wala pa na-immunize ang mga masuso aduna na kini gibati sa lawas.
Bisan paman ug dili sila kumbinsido nga ang vaccine ang hinungdan sa pagkamatay sa mga masusonag-umol gihapon sila og mga komitiba nga maoy mag-imbestigar kung unsa gyud ang tinood nga hinungdan sa pagkamatay.
Balik na hinoon sa sa paghatag og bakuna ang maong health center human nga kini nga temporaryo nga gihunong
Mahinumduman nga namatay si Ghirvaughn Mcreign Limpangog, 3 buwang masuso ug si Ayesha Mae Suson, 4 na buwang masuso niadtong Nobyembre 11, 3 adlaw human kini gibakunahan.
