Hugot nga gihimakak sa aktor ug host nga si Dingdong Dantes nga bakak ug dili tinuod ang post nga nag-ingon nga nagkomento siya sa pagdagan ni Bise Presidente Sara Duterte-Carpio sa pagka-presidente sa eleksyon sa 2028.
Gihimo sa celebrity ang pagklaro pinaagi sa pagpaambit sa screenshot sa post sa iyang opisyal nga Facebook account.
Ang post, gikan sa usa ka account nga adunay profile nga Amy Imperial Ugay nga nag-ingon nga daw ang aktor mipahayag sa iyang suporta sa Bise Presidente nga susama sa iyang amahan ng kanhi presidente sa nasud.
Bisan pa, gihimakak dayon kini sa aktor ug giklaro sa iyang caption nga wala niya kini gisulti.
Ang post sa aktor nakakuha og kapin sa usa ka milyon nga reaksyon, kapin sa 18,000 nga komento ug 33,000 shares.
Gitangtang na sa uploader ang iyang post ug nangayo og pasaylo sa aktor human ang post gipaambit usab sa ubang mga online platform.
Giangkon usab niya ang iyang sayop nga makauulaw apan giingon nga mas makauulaw ang mahimong kawatan sa way pagpunto kung kinsa ang pa-igo niini.
