CEBU CITY- Nailhan na ang suspek sa paglabay sa sinakong basura sa kadagatan sa Barangay Pasil.
Mao kini ang gipaambit ni Cebu City Mayor Nestor Archival, diin matod pa niya, ubos sa abag sa Cebu City Police Office (CCPO) ug sa Police Station 6, nagmalampuson nilang natoltolan ang maong indibidwal nga si Alyas Juanito, kinsa nakita sa video nga naglabay sa basura sa kadagatan sa Barangay Pasil ning dakbayan sa Sugbo.
Atol sa pagtahan ni Alyas Juanito sa opisina sa Mayor, siya nagkanayon nga nang limpyo siya sa dalan atong higayona, ug midiretso lang pud siya og labay sa maong basura.
Hinungdan nga sa maong iyahang binuhatan, nakamatngon na kini ug buot nalang usab niya nga siya mismo ang mangunay og bantay kutob sa mga molabay sa basura sa naasoyng dapit.
Si Alyas Juanito mipadangat sa iyahang public apology ug miangkon sa iyang kalapasan. Gihangyo usab niya ang tanan nga dili sundon ang iyang nabuhat.
Subay sa paghitabo, gipanghinaot usab sa Mayor nga magsilbi kini nga pahinumdom nga ang pag-atiman sa atong palibot ug kadagatan responsibilidad sa tanan
