CARCAR CITY-Patay ang tulo samtang duha ang anaa sa talandugon nga kahimtang ug usa ang samdan sa aksidente sa kadalanan nga naglakip sa tulo sa motorsiklo ug usa sa SUV sa Barangay Valladolid, dakbayan sa Carcar niadtong kadlawn sa adlaw nga Dominggo, Oktubre 20, 2024.
Giila ang mga biktima nga sila Klaudet Powao Tobilla, 22-anyos, Ian Flores, 21-anyos, ug Ronel Medina, 23-antos nga pulos gideklarang dead-on-arrival sa tambalanan human gitabang sa mga rescuers sa maong dapit.
Ang mga biktimang anaa sa talandugon kay giilang sila Alison Jose Santos, 27-anyos, ug si Axel Dela Cerna, 18-anyos.
Laing samdan mao si Trisia Nicole Monter, 22-anyos.
Giila usab ang drayber sa SUV nga sakyanan nga si Rob Joseph Orias nga gikatahong hubog samtang nagmaneho apan maayu nalang walay samad nga naangkon.
Subay sa imbestigasyon sa mga kapulisan sa dakbayan sa Carcar nga gikatahong mi-assiter unta si Monter nila Flores ug Santos nga unang nakasinati ug aksidente sa maong dalan.
Apan samtang nagpahiluna ang unom sa mga drayber ug pasahero sa tulo ka motorsiklo, gibanggaan kini sa SUV ni Orias hinungdan sa kamatayon ug grabe samad nga naangkon sa unom ka tao.
Gikataho usab nga usa ka SK Councilor sa Barangay Liburon si Orias nga nakaangkon og pagsaway sa social media tungod sa panghitabo.
Ang tanang mga biktima gihatod sa mga rescuers gikan sa Carcar City Disaster Risk Reduction and Management Office ngadto sa Cebu Provincial Hospital sa Carcar, samtang ang suspek nga drayber sa SUV kay kasamtangang gikustodiya sa kapolisan.
Sa higayong dili magkaabot ug areglo ang mga partido sa pamilya sa biktima ug sa suspek kay mag-atubang kini og kasong reckless imprudence resulting in multiple homicides ug damage to property.
