-- ADVERTISEMENT --
MANDAUE CITY, CEBU-Gipahibalo ni Mandaue City Mayor Jonas Cortes nga nagpadayon ang mga diskusyon aron matubag ug masulbad ang mga isyu sa pagbaha sa dakbayan.
Kini human nga sa nakalabay nga Biyernes, Mayo 19, adunay kusog nga pag-ulan nga nahimong hinungdan sa pagbaha sa daghang mga lugar, lakip ang Lopez Jaena St. (Innodata), Brgy. Tipolo (StarOil), Subangdaku Flyover, A.S. Fortuna (The Space), ug A.C. Cortes Ave. (UCLM).
Dugang sa Mayor, nga angay lamang nga lingkoran ug hisgutan ang maong concern arun masulbad, ug gipaningkamotan sa Dakbayan sa Mandaue nga dili na masinati sa mga Mandauehanon ang kanunay nga pagbaha sa panahon sa ting-ulan.
