Djokovic, wala gihuman ang semis sa Australian Open tungod sa injury

Natuldukan na ang tinguha ni Serbian tennis star Novak Djokovic nga makuha ang iak 25 nga grand slam title.

Kini nunot sa iyang sayo nga pagretiro sa semifinals sa Australian Open tungod sa pagkaangol sa iyang wala nga paa.

Gihuman pa ni Djokovic ang unang set batok kang world number 2 Alexander Zverev, diin napildi kini og 7-6(5) sa duwa nga milungtad og usa ka oras ug 21 minutos.

Nasurpresa ang audience sa dihang naglamanohay ang duha hangtod nga nibiya na gayud si Djokovic sa court.

Nagpahayag usab og pasalamat si Zverev sa mga tumatan-aw nga wala nasuko kang Djokovic human wala mahuman ang duwa.

Iya lang gihangyo ang mga audience nga respetuhon si Djokovic tungod kay gihatag niya ang tanan.