Dayag nga gisaway ni Department of National Defense (DND) Secretary Gilberto Teodoro Jr ang Partido Komunista sa China tungod sa padayong pagdaogdaog niini sa gagmayng mga nasod.
Ang pamahayag ni Teodoro atol sa iyang pagbisita sa Wallace Air Station sa San Fernando City, La Union.
Matod ni Teodoro, dayag nga gibalewala sa China ang mga internasyonal nga balaod samtang padayon nga giharas ang mga gagmay nga nasud sama sa Pilipinas.
Diin ang ilang ‘expansionism’ o pinugos nga pagpalapad sa ilang teritoryo, lakip ang pagbaliwala sa kaluwasan sa mga barko sa West Philippine Sea, bukas sa tibuok kalibotan ug giobserbahan sa matag nasod nga sakop sa Asia-Pacific Region.
Kaniadto gisaway sa DND secretary ang bag-o nga makuyaw nga mga maniobra sa Chinese air assets sa Bajo de Masinloc batok sa mga awtoridad sa Bureau of Fisheries and Aquatic Resources.
Matod ni Teodoro, kinahanglan nga palig-onon pa sa Pilipinas ang ilang pakig-alyansa sa ubang kanasuran aron mahunong na ang padayon nga pagpanghasi sa Chinese Communist Party.
