Gipaneguro sa Department of Energy (DOE) nga stable ang suplay sa kuryente sa nasud samtang ang School Year 2025-2026 gikatakdang magsugod sa Hunyo 16.
Sa usa ka pakighinabi, si DOE Assistant Secretary Mario Marasigan niingon nga daghang mga lakang ang gilinya aron makab-ot ang zero-brownout sa mga adlaw sa tingtungha.
Gitumbok sa opisyal ang zero-brownout nga nakab-ot sa adlaw sa piniliay, niadtong Mayo 12, isip usa ka ehemplo nga mahimong makab-ot pag-usab sa pag-ablisa bag-ong school year.
Matod sa DOE, daghang mga proactive measures ug contingency plans ang gilinya aron matubag dayon ang mga potensyal nga pagkawala sa kuryente ug mga isyu sa grid, tungod kay ang mga estudyante gilauman nga mobalik sa mga eskuylahan alang sa ilang mga klase.
Samtang sa pikas bahin, ang Departament of Education kaniadto nakahimo na og daghang kausaban, una ang pagbalik sa naandang pag-abli sa klase sa buwan sa Hunyo inay sa Agosto nga mao ang School Year 2025-2026 kay matapos sa Marso 31, 2026, human sa 197 regular class days, base sa naa sa DepEd Order No. 012 series of 2025.
