Nahinangop ang Department of Energy (DOE) sa assessment sa Asian Development Bank (ADB) nga ang Pilipinas maoy usa sa mga nag-unang energy reponders sa Asia-Pacific region human sa komprehensibong policy response sa atong gobyerno sa mga kakulian sa global oil market tungod sa kagubot sa Tunga-tungang Sidlakan.
Mahinumduman nga ubos sa administrasyong Marcos, nagpatuman ang Pilipinas ug pito ka dinagko nga policy responses nga gitumbok sa ADB nga nagpadayag sa daling desisyon ug pamaagi aron maproteksyonan ang mga Pilipinhong konsumidor ug mapalig-on ang nasudnong seguridad sa enerhiya.
Subay niini, si Energy Secretary Sharon S. Garin nagkanayon nga ang pag-ila sa ADB nagpasabot nga dili igo lang nag-react sa kagulingong global oil market turmoil, apan lakip na usab ang koordinasyon ug strategic direction.
Sa pakigtambayayong sa ubang mga ahensya sa gobyerno ug industry partners, ang DOE nisuporta sa fuel assistance initiatives para sa mga apektadong sector, lakip na ang mga drayber sa jeep ug tricycle, mangingisda, ug mag-uuma.
Sa samang higayon, ang DOE, pinaagi sa Philippine National Oil Company–Exploration Corporation, nitabang ug pangita ug dugang fuel supply aron pagpalig-on sa petroleum buffer sa nasud.
Sumala ni Secretary Garin, “The Philippines remains structurally vulnerable because of its heavy dependence on imported fuel. This is why the DOE continues to accelerate renewable energy development, expand indigenous energy sources, and strengthen emergency response frameworks”.
