CEBU CITY — Miubos ang natalang kaso sa novel coronavirus disease o COVID-19 sa Central Visayas diin 10 ang bag-ong kaso niini, sumala pa sa latest case bulletin sa Department of Health (DOH)-7.
Gikan sa 21,516 ka mga total cumulative cases, nikunhod ngadto sa 929 ang mga active cases kinsang kasamtangang nagpaalim sa mga tambalanan.
Nakatala usab ang DOH-7 og 138 ka mga bag-ong recoveries maong anaa na sa 19,287 ang mga naayo sa coronavirus.
Samtang duha lang ang natalang kamatayon ug miabot na sa 1,300 ang ihap sa mga nakalas gumikan sa makamatay nga virus.
Natala ang 10 ka mga bag-ong coronavirus cases human nipagawas ang ahensya og kapin 1,100 ka mga test results gikan sa siyam ka mga laboratoryo sa rehiyon.
Base sa mga newly-reported cases, adunay tagduha gikan sa Cebu City ug Mandaue City, samtang usa ang gikan sa Lapu-Lapu City, ug lima gikan sa Cebu Province. /GN
