Miabot sa dul-an 250 ka mga indibidwal ang nangaangol sa mga aksidente sa kadalanan sa tibuok Central Visayas karong holiday season.
Kini nga datos kay gikan sa Department of Health – Central Visayas (DOH-7) sa pinakaulahing datos niini niadtong Disyembre 31 sa natala nilang 248 ka mga kaso sa road crash injury diin 33 niini ang bag-ong mga kaso.
Subay sa maong datos kay ang nag-unang naa sa listahan mao ang mga drayber sa mga behikulo nga miabot sa 152 ang ihap. Naglakip pud kini sa 76 ka mga injuries gikan sa mga panagbangga ug laing 76 sa mga non-collission cases sama sa self-inflicted accidents.
Samtang ang ihap sa mga pasaherong nangaangol kay anaasa 70 ingon man sa mga pedestrians sa 19 ka mga kaso.
Nag-una gihapong hinungdan sa mga emerhensya kay mao ang panagbangga sa kadalanan karong panahona.
