Gisubli sa Department of Justice (DOJ) ang dugay na nilang pasalig ngadto sa United Nations sa pagwagtang sa problema sa ilegal nga drugas.
Atol sa ika-68 nga session sa UN Commission on Narcotics Drugs sa Vienna, Austria, si Justice Secretary Jesus Crispin Remulla misulti sa mga lider sa kalibutan sa pagpalig-on sa ilang kooperasyon sa paghisgot sa susamang mga hagit nga ilang giatubang, lakip na ang global nga problema sa ilegal nga drugas, dungan sa ika-80 nga anibersaryo sa pakigtambayayong sa Pilipinas sa UN isip usa sa mga founding member niini.
Diin gipresentar ni Sec. Remulla ang human-rights based ug public health-centered approach sa PH sa pagkontrolar sa problema sa ilegal nga drugas ubos sa pamunoan ni Presidente Ferdinand Marcos Jr.
Ingon man ang mga komprehensibo nga programa sa rehabilitasyon, edukasyon, ug pagpugong sa mga indibidwal nga naka-dependi sa droga diin maoy Nakita ng labing mayo nga pamaagi aron masolusyonan ang problema sa illegal drugs.
Kahinumduman nga ubos sa pamunoan ni kanhi Presidente Rodrigo Duterte, gipatuman ang tokhang o war on drugs nga maoy nakadugmok sa mga nalambigit sa illegal nga drugas sa nasud ug nahimong kontrobersyal tungod sa mga pasangil sa extra-judicial killings diin ubay-ubay nga mga inosenteng kinabuhi ang naapektuhan.
