Gipasalig sa Department of Justice (DOJ) ang ka-andam niini sa pagmando sa mga awtoridad aron ipatuman ang bisan unsang warrant of arrest nga gi-isyu sa International Criminal Court (ICC).
Sumala ni Department of Justice Secretary Fredderick Vida, ang ahensya gilauman nga mopagawas og bag-ong direktiba sa Philippine National Police (PNP) ug National Bureau of Investigation (NBI) aron isilbi ang warrant.
Miingon siya nga kini usa ka mandato sa departamento, busa ilang sigurohon nga kini matuman kung ang International Tribunal mopagawas og laing warrant of arrest.
Kahinumduman nga niadtong miaging Sabado, gihisgutan ni NBI Dir. Atty. Melvin Matibag nga aduna silay impormasyon nga nagpakita nga ang ICC mahimong mopagawas og laing warrant.
Bisan pa, si DOJ Sec. Vida midumili sa pagkomento bahin niini, nga nag-ingon nga dili niya gusto ang espekulasyon.
Gawas kang Sen. Bato Dela Rosa, ang iyang mga kauban nga naghimo niini naglakip nila ni Sen. Bong Go, kanhi DOJ Sec. Vitallano Agirre II, kanhi PNP Chief Oscar Albayalde, ug uban pa.
Nag-atubang sila og mga kaso sa ICC, uban ni kanhi Presidente Rodrigo Duterte, tungod sa ‘mga krimen batok sa katawhan’ nga may kalabotan sa programa sa ‘war on drugs’.
