METRO MANILA-Gimando ni Presidente Ferdinand Marcos Jr., ngadto sa Department of Justice (DOJ) ug sa Philippine National Police (PNP) nga mohimo og mga lakang aron masiguro ang kaluwasan ug proteksyon sa mga piskal sa nasod.
Sa iyang pakigpulong sa ceremonial signing sa Department of Justice–National Prosecution Service (DOJ-NPS) Rules on Criminal Investigation, gipasiugda ni PBBM ang importanteng papel sa mga prosecutors sa pagpasiugda sa hustisya sa nasud.
Gipahibalo sa Presidente nga ang nasud nisulod na sa usa ka bag-ong higyaon sa pagpatuman sa balaod ug pag-prosekusyon.
Gihatagan pa og gibug-aton sa Presidente nga ang matag kaso nga gihuptan, matag desisyon nga gihimo, ug matag reporma nga gipasiugda aduna’y dakong epekto sa kinabuhi sa matag Pilipino ug sa kaugmaon sa nasud.
Sa samang higayon, ang Presidente nagpasalamat usab sa Korte Suprema sa paghatag sa ehekutibo og gahum sa paghimo sa mga lagda sa imbestigasyon sa kriminal, sa samang higayon sa pag-ila sa mga paningkamot sa tanan nga nagtrabaho aron mahimo kini nga posible.
Matod ni Presidente Marcos, ang bag-ong mga lagda ug mga pamaagi magsiguro sa hustisya ug hustong proseso samtang ang gobyerno manalipod sa tanan niyang mga lungsuranon, lakip ang mga akusado, ug manubag sa mga sad-an.
