CEBU – Giawhag sa Department of Labor and Employment in Central Visayas (DOLE-7) ang mga employer nga motuman sa bag-ong giaprobahan nga suholan sa Central Visayas tungod magpadayon kini sa pagpahigayon og compliance inspection.
Sa usa ka pamahayag niadtong Huwebes, Hunyo 16, nagkanayon si Usec. ug DOLE-7 concurrent head Victor del Rosario nga importante alang sa mga employer ug sa mga empleyado o mga trabahante nga sila hingpit nga mahibaw sa ilang mga katungod ug responsibilidad kalabot sa bag-ong giaprobahan nga wage orders.
Matod usab ni Rosario nga magpadayon ang DOLE-7 sa pagpahigayon og inspeksyon isip paagi sa pagsusi sa pagsunod sa mga establisemento sa bag-ong wage order alang sa Central Visayas.
Ni-epekto ang bag-ong wage order nga nagmando sa P31 increase sa daily minimum wage sa mga mamumuo sa Central Visayas niadtong Martes, Hunyo 14.
