Misaad ang Department of Labor and Employment (DOLE) nga gamiton ang tanang legal nga remedyo aron kuwestiyonon ug ibasura ang desisyon sa Pasig Regional Trial Court nga nagpalugway sa pagsuspenso sa P85 nga minimum wage increase sa National Capital Region.
Mahinumduman nga ang Pasig RTC nagpagawas og preliminary injunction, busa ang pagpatuman sa wage increase nagpabilin nga suspendido.
Sumala ni Labor Secretary Francis Tolentino, ang korte wala lamang mipahunong sa wage increase apan direktang nakaapekto usab sa abilidad sa mga trabahante sa pag-atiman sa ilang mga pamilya.
Gipasiugda ni Tolentino nga ang matag peso nga pagsaka sa kita importante labi na sa karon nga panahon, tungod kay ang pagkaon, puy-anan ug usa ka disenteng panginabuhi alang sa mga pamilya sa mga trabahante nagdepende niini.
Gidugang sa kalihim nga ang DOLE dili mobiya sa mga trabahante ug magpadayon sa pakigbisog aron makit-an ang solusyon ug mahatagan sila sa husto nga wage increase.
