Milusad og 2 ka mga dagkong proyekto sa islang lalawigan sa Siquijor ang ahensya sa Department of Sciences and Technology – Central Visayas (DOST-7) nga mao ang Innovation Hub (iHub) ug ang pinakaunang water testing facility niini niadtong Miyerkules, Hunyo 25, 2025.
Kini nga mga proyekto kay minugna sa DOST-7 sa pakigtambayayong sa Siquijor Provincial science and Technology Office (PSTO) nga nagtinguha sa pagpalambo sa sustainable tourism innovation ug public health initiative.
Ang proyektong iHub kay nahimutang sa Sitio Baluarte, Barangay Población, Siquijor nga nagtinguha sa pag-promote sa grassroots innovation, research collaboration, ug startup development particular na ang Forestry, Fisheries, Farming, and Fostering Innovation (4F).
Ang launching nnini kay gipangulohan ni DOST Undersecretaries Sancho Mabborang ug Dr. Teodoro Gatchalian uban si Assistant Secretary Matet de Guzman kinsang mihatag og importansya sa innobasyon sa mga islang-komunidad.
Ang proyekto kay resulta sa partnership sa Siquijor State College ug Silliman University nga nagpakita sa mga local startups ug sa mga student researchers sa ilang mga innobasyon.
Sa pikas bahin, gi-inagurahan sab ang pinakauanng water testing facility sa islang lalawigan nga nahimutang sa Siquijor Integrated Provincial Health office sa Barangay Caipilan.
Nagtumong kini sa pagsulbad sa dugay nang sugyot sa mga residente sa accessible water quality testing tungod kay niadtong mga nakalabayng panahon iadto pa kini nila sa Dumaguete o sa Sugbo ang water testing para sa potable drinking water.
Gani, giandam na ang mga trained and certified analysts sa DOST-7 Regional Standards and Testing Laboratory para sa pagdalit sa serbisyo sa maong pasilidad.
Gisaksihan mismo nila ni Siquijor Governor Jake Vincent Villa ug ni Congressman Zaldy Villa ang pag-abli sa maong pasilidad.
