Gidawat ni Presidente Ferdinand R. Marcos Jr. ang pagluwat og resignation ni Public Works and Highways Secretary (DPWH) Manuel Bonoan, ug epektibo kini karong adlawa, Setyembre 1, 2025.
Sa maong pagkanaog ni Bonoan, si Department of Transportation (DOTr) Secretary Vince Dizon gitudlo isip bag-ong kalihim sa Department of Public Works and Highways (DPWH) human sa pagkanaog ni DPWH Sec. Manuel Bonoan.
Sa pagtudlo ni Dizon isip bag-ong hepe sa Department of Public Works and Highways, gitahasan kini nga mangulo sa anti-corruption drive ug hingpit nga organisasyonal nga sweep sa maong departamento.
Naglangkob kini sa pagtutok og paghatag og aksyon sa mga isyu nga naglibot karon sa departamento kalabot sa mga anomaliya nga flood-control projects diin gitahasan si Dizon pagsiguro nga magamit ang pundo alang sa pagtukod sa mga imprastraktura nga makaayo sa publiko.
Ubos sa pamunoan ni Dizon, ang sektor sa transportasyon mahimong mas maayo ug moagi sa modernisasyon ug mosuporta sa prayoridad sa commuter safety ug mas maayong paghatod sa proyekto.
Samtang, ang nasangpit nga assignment nagpakita sa lig-on nga baruganan sa kasamtangang administrasyon aron sulbaron ug patubagon ang mga opisyal nga naglambigit sa korapsyon ug napakyas sa paghatag og epektibong serbisyo publiko.
Kini nga pagbag-o gihimo taliwala sa imbestigasyon sa mga anomaliya nga mga proyekto sa flood control projects sa lain-laing mga bahin sa nasud.
