-- ADVERTISEMENT --
CEBU CITY-Gibungkag sa mga sakop sa Philippine Drug Enforcement Agency (PDEA) ug Mabolo Police Station ang usa ka drug den sa Sitio Kalubihan, Barangay Busay, dakbayan sa Sugbo.
Nasikop sa maong operasyon sila si Delfin Bontilao Laurnilla, 27, waiter, Rafie Camacho Collantes, 30, tindera og bulak sa Carbon Public Market ug Spencer Eslit Patalinghug, 32.
Nakuha sa pito ka mga ahente sa PDEA ang mga pakete sa gituohang shabu nga motimbang og 13 gramos ug mobalor og P88,400.
Matod sa tigpamaba sa PDEA 7 nga si Leia Alcantara, target sa operasyon si Patalinghug nga ilang gimonitor sulod sa duha ka semana.
