Gi-anunsyo sa ahensya sa Department of Social Welfare and Development – Central Visayas (DSWD-7) ang ilang pagpatuman sa pagproseso online sa aplikasyob sa mga menor-de-edad nga mubyahe sa gawas sa nasud.
Sumala sa DSWD-7 nga sukad pa niadtong buwan sa Pebrero ning tuiga kay eksklusibo nang maproseso online ang Centralized Processing Office – Minors Traveling Abroad (CPO-MTA) sa website niini nga mta.dswd.gov.ph.
Matod pa ni DSWD-7 Children Sector focal person Ligaya Dael nga ang ilang pagpatuman og full online transactions kay nagtumong sa pag-streamline sa pag-isyu sa mga travel clearance sa mga menor-de-edad.
Gipasabot niini nga ang Minor Travel Abroad (MTA) clearance kay usa sa mga requirements kung ang usa ka bata kay mubyahe gawas sa Pilipinas nga wala ilang mga ginikanan (biological, adoptive or legal guardian).
Tumong sa maong dokumento ang pagsiguro sa kaluwasan sa bata pinaagi sa tukmang dokumentasyon sa mga menor-de-edad.
