Nagpadayon ang Department of Social Welfare and Development (DSWD) sa pagmonitor sa sitwasyon sa mga residenteng naapektuhan sa bag-ong pagbuto sa Bulkan Kanlaon sa Negros Island, sumala ni DSWD Secretary Rex Gatchalian.
Matod sa kalihim, gimandoan na niya ang mga field office sa pagpre-position ug paghatag dayon sa mga kinahanglanong suplay.
Sa pagkakaron, adunay igo nga Family Food Packs (FFPs) nga andam ipang-apod-apod sa mga apektadong pamilya.
Lakip niini ang kapin sa 192,000 ka FFPs sa Negros Island Region ug 100,000 ka dugang FFPs nga naka-preposition sa Central Visayas.
Giingon usab ni Gatchalian nga andam ang sentral nga opisina sa pagpadala og dugang nga ayuda kung magpadayon ang pagbuto sa bulkan ug molapad ang epekto niini.
Dugang pa sa mga food packs, andam usab ang mga family tents ug uban pang non-food items alang sa mga evacuees.
