Mihatag og katin-awan ang buhatan sa Department of Social Welfare and Services sa Dakbayan sa Sugbo, nga wala nay gipahigayong pagpanglista ang buhatan maylabot sa pagpanghatag og hinabang sa mga residente nga naapektuhan sa Bagyong Tino sa nakalabayng tuig.
Matud ni Porchia Basmayor, ang pangu sa DSWS nga wala na sila nanglista sa mga nabilktima kay sa miagong tuig pa nagpahigayon og assessment ang buhatan sa mga naapektuhan sa bagyo.
Sigon niini nga sagad sa mga hinungdan nga daghan ang wala malista atol sa pag-assesed sa mga sakop sa DSWS gumikan kay walay mga tawo o wala ang tagtungod sa panimalay.
Gihimug-atan ni Basmayor nga ang kwalipikasyon aron malakip sa mga hinabang mao ang partially og totally damaged nga mga panimalay lakip usab ang katong mga panimalay nga nalubog sa baha.
Dugang ni Basmayor nga kasamtangan sila nga nagpahigayon og pay-out sa mga kwalipikado nga nahatagan og hinabang diin gipahigayon sa 5 ka mga lugar sama sa; Barangay Labangon, Barangay Tisa, Barangay Mambaling, og Barangay Duljo og Barangay Careta.
Samtang wala usab igong impormasyon si Basmayor kung pila gayud ang kinatibuk-ang hinabang nga ihatag sa mga biktima, hinungdan nga nanawagan si Basmayor nga sabton ang gibuhat DSWS kay limitado ra usab ang pundo.
