Nipasalig ang Department of Trade and Industry (DTI) nga bantayan ang presyo ug suplay sa mga batakang palaliton karong panahon sa ting-ulan ug kalamidad.
Matud ni DTI Sec. Cristina Roque nga sukad gideklarar sa state weather bureau ang pagsugod sa ting-ulan, gimonitor na sa ahensya ang suplay sa mga batakang palaliton nga posibleng maapektuhan sa sunod-sunod nga pag-ulan.
Dugang niini nga kinahanglan nilang siguroon nga makatarunganon gihapon ang ilang presyo ug dili gamiton sa mga magpapatigayon ang sunodsunod nga pag-uwan isip pasangil sa pagpasaka sa presyo.
Una nang gikompirmar sa kalihim nga wala’y usbaw sa presyo sa mga nag-unang palaliton sa pagkakaron bisan pa man sa sunodsunod nga bigtime nga pagsaka sa presyo sa lana.
Bisan ang mga de-lata nga mga butang wala magpataas sa ilang mga presyo bisan pa sa nangaging mga hangyo sa mga tiggama.
