Mas nilapad pa ang pagduda sa mga dagkong opisyal sa gobyerno nga nagtuo nga adunay panagkunsabo sa pipila ka ahensya sa gobyerno aron maka-ikyas ang gitaktak nga mayor sa Bamban, Tarlac nga si Alice Guo.
Unang gipalutaw ni Sen. Risa Hontiveros ang posibleng pagpabaya sa mga tinugyanan sa balaod nga si Guo ug uban pa niyang mga kauban nalambigit sa operasyon sa Philippine Offshore Gaming Operators (POGO).
Sa bahin ni Sen. Sherwin Gatchalian, nahibaw-an na lang nga usa ka buwan nga nibiya sa Pilipinas si Guo sukad kini milayas bisan og laing ahensya sa gobyerno ang nakahibawo kaniadto sa pag-ikyas sa gipalagpot nga mayor.
Gitataw sa Senador nga daw gitago sa Bureau of Immigration ang pagbiya sa maong mga indibidwal, apil na sila si Cassandra Li Ong ug Sheila Guo, nga bag-o lang nahibalik sa Pilipinas, butang nga matod niya kinahanglang imbestigahan.
Alang kang Justice Secretary Jesus Crispin “Boying” Remulla, kinahanglang adunay manubag sa ‘negligence’ nga nahitabo maong nakagawas sa Pilipinas.
Basi sa pinakaulahing report sa Bureau of Immigration, si Alice Guo anaa pa karon sa Indonesia.
