Magbutang ang kagamhanan sa Dakdbayan sa Manadaue og bag-ong mga traffic lights sa mga kadalanan sa siyudad, kini aron masulbad ang problema sa mga disgrasya.
Gikalipay ni Hyll Retuya, ang Head sa Traffic Enforcement Agency sa Mandaue, ang nadawat nga balita nga gigahinan og pundo sa kagamhanan sa Dakbayan, ang pagpabarog ug dugang mga traffic lights sa mga kadalanan niini.
Lauman nga mapabarog ang mga traffic light sa mga nagkadaiyang intersections sa kadalanan sa E.O. Perez Street ug sa Seno Street subay sa Mantawe Avenue.
Kini gumikan kay base sa datos sa buhatan sa TEAM, nagkataas ang kaso sa mga aksidente sa mga nahisgutang lugar, ingun man ang ihap sa mga nakalas sa mga aksidente.
Hinungdan nga gihatagan kini primirong pagtagad, aron malikayan ug makunhoran ang mga aksidente sa kadalanan samtang wala usab pasagdi ang uban nga mga intersections sa dakbayan.
Lauman usab ang paggahin sa Dakbayan og kapin P60 Milyones alang sa pag-rehabilitate sa mga dugay na og daan nga mga traffic lights.
