CENTRAL VISAYAS-Malinawon ang duha ka adlaw nga kasaulogan sa kalag-kalag sa Central Visayas, kini ang gihulagway sa Police Regional Office 7, tungod kay walay natala nga krimen nga may kalabotan sa maong kalihukan.
Sa datus nga gipahibawo ni Police Lieutenant Colonel Gerard Ace Pelare ang spokesperson ni Police Brigadier General Anthony Aberin nga mi ubos og 40 porsiento ang krimen sa Cengral Visayas gikan sa Octobre 31, 2023 hangtod sa Nobrembre 2, 2023 itandi sa susamang period sa miaging tuig.
Nasayran, nga niadtong 2022 naka tala ang kapulisan og 35 ka krimen apan karong tuiga 19 lang ka krimen ang nahitabo walo niini kawat nga nagpasabot lang nga epektibo ang deployment sa kapulisan sa matag lugar sa rehiyon 7.
Giangkon ni Pelare nga adunay upat ka insidente sa pagpamusil tulo nahitabo sa dakbayan sa Sugbo ug usa sa dakbayan sa Carcar.
Apan kining maong krimen ma hulog na nga sulbad tungod kay ang duha niini nadakpan na samtang ang duha pulos nailhan og mihimo nag manhunt operation ang kapulisan.
Giklaro sa PRO-7 nga kining upat ka shooting incidents sa Sugbo wala maka apekto sa kinatibok-ang peace and order sa kalag-kalag tungod kay na sulbad naman kini gani pasalig nila sa kabanay niining maong hitabo nga ilang paninguhaon nga madakpan ug mapasakaan og kaso ang mga responsabli.
