LAPU-LAPU CITY, CEBU-Patay ang duha ka 12 anyos nga babayeng grade 6 students sa Masulog Elemnetary School human nalumos nga naligo sa usa ka lawa doul sa sapa sa sitio Suba-Masulog Tumoy, Barangay Basak gahapon sa hapon.
Ang duha naligo sa lawa kuyog pa sa laing babayeng classmate human sa ilang periodical test ug ang laing classmate nga naluwas maoy nangayo ug tabang sa mga tawo human na-unlod ang duha niya ka mga classmates.
Nakuha sa Basak Rescue UG Lapulapu City Rescue Wasar Team ang lawas sa mga tinun-an nga nabitik ang mga tiil sa pukot didto sa ilawum sa lawa nga adunay kaladmon nga 2 metros.
Apan wala na silay kinabuhi human gihiling sa mga medic sa Lapulapu City Rescue.
Nagtinabangay ang Basak Rescue, Lapulapu City Rescue Wasar Team, Philippine Coast Guard-SOG, Philippine Red Cross, Cordova DRRMO Wasar team, Lapulapu City Police Office sa luwasa sa mga estudyante.
Gi-mandoan ni Mayor Ahong Chan ang City Social Welfare and Development Office sa paghatag ug tabang sa mga pamilya sa biktima.
