-- ADVERTISEMENT --
CEBU CITY- Nakuryentihan ang duha ka mga panday atol sa ilang pag-welding sa atop sa usa ka balay nga ilang gitrabaho sa Barangay Lahug, dakbayan sa Sugbo gahapon Marso 26, 2025.
Giila ang mga biktima nga sila si Jason ug Rocky nga taga Sitio Maracas, Barangay Lahug, Cebu City.
Matud pa nga ang ilang gigunitan nga metal nasablay sa live wire sa usa ka power service provider hinungdan nga nakuryentehan sila ug daling gidala sa tamabalan.
Atol sa pakighinabi sa Bombo Newsteam ngadto Wilfredo Taborada, kauban sa mga nakuryentihan diin gisaysay niini nga sa wala pa nahitabo ang pagbuto kay gipahinumduman pa niini nga dili magkompiyansa ug unahon kanunay ang ‘safety’ apan daw wala nila kini giseryoso.
