PROVINCE OF BOHOL- Naluwas ang duha ka mananagat gikan sa kadagatan sa kasikbit nga baybayon sa Maribojoc ug Loon, Bohol, sa sayong kabuntagon sa Hunyo 22, human malunod ang ilang gamay nga fishing motorbanca.
Kini human gilusad sa Coast Guard Station Western Bohol ang search and rescue operation mga 1:00 sa kaadlawon, ilawom sa pagpangulo ni PCG LTG Romulo D. Balonga Jr., ang usa ka uban ang suporta sa Coast Guard Sub-Station (CGSS) Loon pinangulohan ni ENS Remuel A. Montalban (PCG), ug sa BRP MALAMAWI (FPB-2403) nga gisakyan sa mga tripulante ubos sa mando ni Capt. Rafael A.General Jr.
Ang operasyon gilusad isip tubag sa mga taho sa usa ka nalunod nga gamay nga fishing motorbanca sa kasikbit nga kadagatan sa Maribojoc ug Loon, Bohol.
Giila ang mga mananagat nga naluwas nga sila si Julius Palomares ug Jestoni Palomares, uban ang ilang duha ka motorbanca.
Human masalbar, gihatagan sila og inisyal nga pag-atiman ug medikal nga tabang pinaagi sa TARSIER Ambulance aron masiguro ang ilang kahimtang ug kaluwasan.
Ang mga indibidwal gihatagan dayon sa inisyal nga pag-atiman ug medikal nga tabang sa TARSIER Ambulance aron masiguro ang ilang kaluwasan ug kaayohan.
Kudos sa Coast Guardians sa Western Bohol ug sa mga tripulante sa BRP MALAMAWI sa ilang paspas nga pagtubag ug propesyonalismo sa malampusong pagpahigayon niining search and rescue operation.
Kahinumduman nga ang BRP MALAMAWI anaa sa usa ka maritime security mission agig suporta sa MARPAT alang sa “REV RIDE 2025” nga kalihokan sa Bohol sa panahon sa insidente.
Kini nga operasyon nagpasiugda na usab sa dili matarug nga pasalig ug dedikasyon sa Philippine Coast Guard sa pagpanalipod sa mga kinabuhi ug pagsiguro sa kaluwasan sa kadagatan.
