CENTRAL VISAYAS-Patay ang duha ka terorista sa NPA atol sa serye sa mga engkwentro ug pipila ka mga kagamitan sa gubat ang narekober lakip ang: usa ka M16 rifle; usa ka M14 rifle; usa ka Cal. 45 nga pistola; usa ka Anti-Personnel Mine; ubay-ubay nga nagkalain-laing buhi nga bala; medikal nga kit; personal nga mga butang; ug daghang mga subersibong dokumento.
Ang unang engkwentro nahitabo sa Barangay Yao-Yao, Cauayan sa Negros Occidental tali sa mga sakop sa 15th Infantry Battalion ug sa mga salin sa gerilyang NPA, Southwest Front ubos sa Komiteng Rehiyon Negros, Cebu, Bohol ug Siquijor (KR NCBS).
Samtang, ang ikaduhang engkwentro nahitabo mga alas 4:25 sa hapon sa palibot sa nasangpit nga barangay tali sa susamang grupo, samtang walay hunong nga gigukod sa mga tropa sa gobyerno ang miatras nga mga terorista sa NPA.
Human sa pipila ka minuto, niulbo ang ikatulo nga engkwentro sa kasikbit sa mao nga barangay, samtang nagpadayon ang paggukod sa tropa sa gobyerno.
Subay niini,midayeg si Lieutenant General Benedict M Arevalo PA, ang Commander sa Visayas Command (VISCOM) sa mga tropa sa pagpakita sa ilang lig-on nga pasalig ug dedikasyon sa pagtapos sa lokal komunistang armadong panagbangi sa rehiyon sa labing dali nga panahon.
Kini nunot sa sagunson nga nahimong kapildihan ang CPP-NPA sa rehiyon sa Visayas.
Gikataho sa miaging semana nga sa buwan lang sa Oktubre, niabot na sa 28 ka mga terorista sa NPA ang na-neutralize.
Kini gawas sa 61 ka mga supporters ug mga simpatisador nga dayag nga nagsaway sa ilang suporta gikan sa teroristang grupo.
