CEBU CITY-Misaka na sa full alert status ang Cebu City Police Office, pipila ka adlaw sa dili pa ang National ug Local Elections karong Mayo 12, 2025.
Diin Nagpakita sa aktibong pagpangulo, si Acting City Director PCOL Enrico Evangelista Figueroa kinsang personal nga nagdumala sa Pre-Deployment briefing alang sa dul-an 400 nga mga personahe sa CCPO gabii, Mayo 6, 2025, aron sa pagbantay sa mga nagkalain-laing polling precincts sa mga tunghaan sa dakbayan.
Kini subay sa ilang pag-pinal sa ilang security plans, pipila ka adlaw sa dili pa ang Mayo 12, 2025 midterm elections.
Diin lakip sa gitagana ang pag-escort sa mga election paraphernalias, ballot boxes ug Automated Counting Machines nga gamiton alang sa panahon sa piniliay.
Gipaambit ni Police Lt. Col Maria Theresa Macatangay, ang CCPO Deputy City Director for Operation nga magbantay usab ang mga kapolisan sa mga election devices, nga gisugdan na ang final-testing sa tanang mga ACM Machines ug pagbantay usab sa Canvassing Center.
Gabii, ang ACMs ug uban pang election paraphernalia nga gibutang sa ikaupat nga andana, sulod sa Social Hall, ug kasamtangang gibantayan sa mga pulis sukad pa sa milabay nga adlaw.
Samtang, gipaambit usab niini nga gisirado ang pipila ka mga kadalanan nga doul sa Cebu City Hall, aron sa pagpatuman sa mga security measure | Bombo Nathaniel Sandoval
