CEBU CITY — Mo-abot sa 499 ka mga Persons Under Monitoring ang paingon na nga i-deklarar nga luwas sa coronavirus human nga kwalipikado na nga igawas sa qurantine.
Sa datos sa Cebu City Health, sa 522 ka mga PUM, 499 niini ang gi-clear na human nga na-kumpleto niini ang katorse diyas nga wala’y simtomas sa coronavirus disease 2019.
Hinu-on mo-agi pa sa proseso ang mga nahisgutan una kini hingpit nga madeklarar nga luwas sa makamatay’ng sakit.
Subay niini padayon ang hugot nga monitoring sa mga health personnel sa Department of Health og City Health Office ngadto sa posibleng persons under monitoring sa ubang lugar sa dakbayan.
Padayon usab ang pahimangno sa mga opisyal sa panglawas sa publiko nga magpabilin sa panimalay kung walay importanteng lakaw.
