CEBU CITY — Gibutyag ni Dr. Jeffrey Ibones, ang Cebu City Health Department chief nga dul-an 5000 na ka mga senior citizen ang nakadawat og Covid-19 vaccine.
Kini human nga gisugdan na sa Dakbayan sa Sugbo ang vaccination rollout alang sa mga edaran.
Matud ni Ibones nga limitado lamang ang nadawat nga bakuna niini gikan sa Department of Health (DOH).
Apan dugang pa niini nga nisaad ang DOH og dugang nga dose sa Covid-19 vaccine aron magpadayon ang pagpangbakuna sa mga senior citizen.
Samtang malipayon kining mipahibawo nga walay natalang kaso sa grabe sa nasinating adverse effect sa mga naturokang senior citizen.
Gipahinumdum lamang ni Ibones nga dili mamahimong makadawat og bakuna ang mga indibidwal nga adunay imunno-compromise nga pasyente ingun man kung adunay allergy sa maong bakuna.
Awhag niini karon sa mga senior citizen nga magpabakuna gayud gumikan kay kini ang usa sa paagi aron mapalig-on ang immune system. (Bombo Rhealyn Acop)
