Natapos na ang kampanya sa Filipina tennis star nga si Alex Eala sa Pan Pacific Open didto sa Japan.
Nahitabo kini human siya mapildi sa quarterfinals batok kang Diana Shnaider, pinaagi sa iskor nga 2-6, 7-6, 6-4.
Gidominar sa Russian nga magduduwa ang unang set, apan nakabawi si Eala sa ikaduhang set.
Sa ikatulong set, naningkamot pag-ayo si Eala aron makuha ang kadaugan, apan napamatud-an nga lisod pildihon nga kontra ang maong Russian player.
Matod ni Shnaider, ang duwa batok kang Eala daw sama sa usa ka final, tungod sa taas nga lebel sa kahanas nga gipakita sa duha ka magduduwa.
Kini ang ikaduhang sunod-sunod nga kapildihan ni Eala batok kang Shnaider, kinsa nakapildi usab kaniya sa Ningbo Open.
Gilaumang makabawi si Eala sa sunod semana samtang moapil siya sa WTA 250 Hong Kong Open—ang iyang katapusang WTA tournament karong tuiga.
