Mitapos sa ikalimang dapit si Filipino Pole Vaulter EJ Obiena sa second stop sa Wanda Diamond League sa Shanghai niadtong Sabado, Mayo 3, uban sa world record-holder nga si Armand “Mondo” Duplantis.
Ang Pinoy Pole Vaulter kay mihaw-as og 5.72-meters sa iyang ikaduhang pagsulay aron makahuman sa ikalima sa nine-man field sa China Textile City Sports Center sa Keqiao.
Natabla pa siya sa laing upat ka mga atleta apan nakakuha sa ikalima nga dapit diin gisundan na nila Sam Kendricks sa Estados Unidos ug Ben Broeders sa Belgium.
Mihawod usab sa 5.72-meters si Kurtis Marschall sa Australia diin mikuha sa ikaupat nga dapit human nagkinahanglan lang og usa ka pagsulay aron makab-ot ang iyang marka.
Mihari pag-usab si Duplantis nga nakahimo sa meet record pinaagi sa pag-clear sa 6.11-meters sa iyang unang pagsulay sa maong gitas-on.
Kini ang ikaduhang sunod-sunod nga kadaugan sa Swedish national sa Diamond League human sa pag-clear niini sa 5.92-meters sa unang leg sa miaging semana sa Xiamen.
Gisulayan ni Duplantis nga mabuak ang iyang world record apan napakyas na kini sa 6.28-meters.
