Nakalangkat og laing bulawang medalya ang Filipino pole vaulter nga si EJ Obiena human sa pagdominar sa Copernicus Cup sa Torun, Poland.
Ang world No. 4 nga pole vaulter misaka sa season-best height nga 5.80 meters, milabaw kang Piotr Lisek sa Poland ug Sondre Guttormsen sa Norway, kinsa parehong nakahaw-as og 5.70 metros.
Gisugdan sa 29-anyos sa pag-clear sa 5.50 meters sa usa lang ka pagsuway sa wala pa milayat og 5.60 meters ug dali usab nga na-clear ang 5.70 metros sa una niyang pagsulay.
Samtang paspas niyang gi-execute ang 5.70 meters mark, ug miabot sa tulo ka higayon alang sa pag-clear sa 5.80 meters.
Ingon man nga misuway sa 5.85 meters si Obiena apan wala kini molampos.
Kini nga kadaugan nagsilbi nga usa ka lig-on nga pagtubos alang kang Obiena human nawala ang podium sa Düsseldorf, Germany, sayo ning panahona.
Nagtimaan usab kini sa iyang ikaduhang bulawan nga medalya, pagkahuman sa iyang kadaugan sa Meeting Metz Moselle Athletor sa France sayo ning buwana, diin siya miposte sa miaging season-best of 5.70 meters.
