Kusganong gisaway ni Elon Musk ang gisugyot nga balaudnon sa paggasto ni US President Donald Trump, nga gitawag kini nga “disgusting abomination.”
Sumala pa ni Musk sa iyahang usa ka social media post, ang ka uwaw lang ang naani sa mga niboto niini nga klase sa Presidente.
Dugang pa nga ang maong pahayag ni Musk nagsunod sa pagluwat sa tech billionaire isip opisyal sa gobyerno ug pangu sa Department of Government Efficiency (DOGE).
Kahinumdiman nga duol sa dughan ni Trump si Musk diin giingong nipagawas ang tech billionaire og dul-an $300 milyon alang sa kampanya ni Trump sa 2024 Presidential Election.
Apan karon ang panag-away anaa sa dayag, labi na nga gisaway ni Musk ang balaodnon, nga giingong makadugang $ 3 trilyon sa utang sa gobyerno sa 10 ka tuig samtang giputol ang mga badyet alang sa kahimsog ug pagkaon.
Sumala sa tech billionaire, ang sugyot mahimong palas-anon sa mga Amerikano.
Samtang, ang White House mibalik ug miingon nga ang suporta ni Trump sa iyang gitawag nga “usa ka dako, matahum nga balaodnon” magpabilin nga wala’y labot, bisan pa sa pagbiaybiay gikan sa usa ka kaalyado kaniadto. | Bombo Irene Ardiente
