CEBU – Gi-amyendahan sa Cebu Provincial Board ang provincial ordinance nga nagsuporta sa Executive Order No. 17 ni Cebu Provincial Governor Gwendolyn Garcia o ang ‘swab upon arrival policy’.
Gibutyag ni 3rd District Board Member Atty. Jimbo Borgonia, nga ilahang gihan-ay ang na-una na nila nga provincial ordinance, arun nga dili mabangga sa kagustuhan sa national IATF.
Matud ni Borgonia nga wala may kwestyon sa local ordinance tungod kay aduna may local autonomy, apan ang lantawon lang karun kung aduna ba’y gahum ang probinsiya sa Sugbo nga dili musunod sa lagda sa IATF ug kung mahimo ba nga mulabaw ang provincial ordinance sa kagustuhan sa task force kung susama sa sitwasyon nga adunay ‘conflict’.
Gihimug-atan sa naasoy nga Bokal nga dili mahimo nga tungod kay national government, mao na lang usab kini ang masunod. Gitataw ni Borgonia nga dili lang matuhop sa probinsiya ang rason nga gidid-an sa task force ang polisiya sa local gumikan kay ang kagustohan gayud sa national ang angayan nga ipatuman.
