Halapad ang natalang apektado nga mga trabahante sa tursimo kini nunot sa pag-igo sa magnitude 6.9 nga linog sa Northern Cebu kaniadtong Setyembre 30 sa gabii.
Diin, adunay 4, 063 ka mga apektadong trabahante sa linog ang na-endorso na sa Department of Social Welfare and Development (DSWD) aron mahatagan og pinansyal nga ayuda.
Subay niini, gikabutyag ni Gelena Asis-Dimpas, ang Officer-in-Charge sa Department of Tourism (DOT-7) nga base sa talaan sa buhatan, adunay 1, 693 ka mga trabahante ang apekatdo sa lungsod sa Santa Fe, 562 gikan sa lungsod sa San Remigio, 450 sa dakbayan sa Bogo, 421 sa lungsod sa Medellin, 414 sa lungsod sa Daanbantayan, 255 sa lungsod sa Tabuelan, 63 sa lungsod sa Sogod, 45 sa lungsod sa Madridejos, 26 sa lunsgod sa Borbon, ug 11 sa lungsod sa Tabogon.
Dugang pa ni Dimpas nga gagikan kining mga mamuo sa mga komunidad nga banha ang mga tourism activities, busa giangkon sa Department of Tourism (DOT) Central Visayas nga adunay nakitang pagkunhod sa mga bisita sa lugar nga apektado sa linog.
Sa kasamtangan, padayon pang gisusi sa sakop sa DOT-7 ang mga naangkong kadaot sa turismo sa probinsya ilabi na sa heritage churches sa Sugbo, diin matod niya, nakig-alayon na kini sa nagkalain-laing ahensya aron masuta ang gilapdon sa kadaot, ingun man masuta ang mga gikinahanglang hinabang aron masayran usab ang klase sa hinabang ug lakang nga ipahamtang.
