CEBU CITY-Malampusong nasikop sa mga sakop sa tigpatuman sa balaod ang usa ka kanhi-piniriso human nadakpan kini sa usa ka buy-bust operatio sa Sitio Tayud, Barangay Basak Pardo ning dakbayan sa Sugbo niadtong Sabado sa sayong buntag, Marso 29, 2025.
Ang maong operasyon kay gilusad sa mga operatiba sa Inayawan Police Station 7 sa Cebu City Police Office diin nakahipos kini sa illegal nga drugas nga nagbalor sa dili muminos P6.8-milyones.
Sa maong operasyon, gituohang shabu ang nakumpiska sa suspek nga mutimbag sa 1 kilogram uban sa laing mga drug paraphernalia ug buy-bust money sulod sa iyang backpack.
Giila ang suspek nga si alyas “Dodoy”, 46-anyos ug notadong tigpalihok sa mga illegal nga drugas sa maong dapit.
Mag-atubang ang dinakpan sa kasong kalapasan sa Republic Act No. 9165 o ang Comprehensive Dangerous Drugs Act of 2002.
