Cebu City-Gilauman na ni Daanbantayan Mayor Vicente Loot nga dili malayo nga maapil usab siya sa mapasakaan ug kaso human nga gireklamo sa NBI si retired General Marcelo Garbo gumikan sa gikaingong ill gotten wealth niini nga mukabat sa kapin 35 milyones ka pesos.
Matud ni Loot nga andam siya nga atubangon pananglitan ireklamo usab siya sa susamang kaso sanglit dili na kini bag-o kaniya gumikan kay niadtong 2007 gireklamo usab sa NBI ang SALN niini ngadto sa Ombusdman apan na dismiss ra ang kaso niadtong 2014.
Dugang pa sa Mayor nga bisan ug pasakaan pa siya ug kaso kahibaw nba siya daan kung unsa ang iyahang depensa diin gihimug-atan niini nga wala siya’y gitaguan nga bisag unsa man nga ill-gotten wealth.
Gipasabot niini nga ang anaa sa iyahang SALN mao ang propedad nila sa iyahang asawa diin mukabat sa 100 million ang ilang mga properties. Gibutyag niini nga ang maong mga properties ang naa na daan sa iyahang asawa sa wala pa sila nagminyo ug nahimo nalang kining conjugal sa dihang nagminyo na sila.
Gitataw niini nga ang iyahang asawa maoy kwartahan sanglit duna kini mga negosyo gikan sa iyahang pagkadaga ug naapil lamang siya sa kahig katong nagminyo sila.
Nasayran nga sila si Garbo ug Loot maoy gihinganlan ni Presidente Rodrigo Duterte nga mga nagpaluyo sa illigal drug trade sa nasud.
